Search
Close this search box.

Blog

Women Group Gospel Team

Coffs Harbour Kalnak

WACCC nu bu riantuannak a lam kipin thluachuah a petu kan Pathian cu a min thangthat si ko seh.

Hruaitu nu upa hna nih nu bu gospel team kal dingin kan khuakhannak cu Bawipa nih hna a kan tlakpi i 29th September 2023, cacawn ni nga ni ah Rev.Bawi Cin ( nu bu zohkhenhtu), Pastor Iang Nawn, Pi Sai Vang Cung (Hotu) hruainak in WACCC nu bu minung 36 cu Perth Domestic Airport in kan i thawh i Melbourne khuapi ah dam tein Bawipa nih lam a kan hruai. Melbourne khua ah hawikom, chungkhat rawlchan hna he zankhat caan kan hmang kho.

Thaizing 30th September 2023, zarhte ni cu Melbourne Airport in Coffs Harbour ah kan zuang i Coffs Harbour Chin Immanuel Church ( CHCIC) Khrihfabu chungtel hna he lunglawm tein kan i tong hna. Airport ah sunglawi tukin an rak kan don i zanriah an rak kan chuan donh.

https://www.intelligentcommunity.org

Zarhte zan, zarhpi chun le zarhpi zan ah CHCIC Khrihfabu le WACCC nu bu cu hmunkhat teah Pathian kan thangthat tti hna. Bawipa Thiang Thlarau nih a kan umpi caah a hramthok in a dongh tiang lunglawm tein Bawipa cu sunparnak kan pek khawh.

Cacawn nikhat ni zing 2nd October 2023 ,Coffs Harbour Airport in Sydney khuapi ah kan zuang than. Sydney khua i mi kip nih zoh an duhmi hmun dawhdawh hna cu kan cul dih ko. Bawipa dawtnak thawngin a si hrimhrim ti kan hngalh caah Bawipa a min kan thangthat.

Sydney Airport in kan umnak Perth lei ah cacawn ni khat ni 2nd October 2023 zanlei kan rak zuang i Pathian um pinak le a thatnak thawngin cu zan ah cun kan chungkhar le kan Khrihfabu sin ah dam tein kan phan hna. Kanmah minung khuakhannak in Bawipa tinhmi cu a hlei tein a tha hrim ko. Voikhat te kalah khua thum a kan phak tertu Bawipa cu sunparnak le upatnak kan pek.

Tutan WACCC nu bu gospel kan kalnak ah a lamkip in re a theitu le Pathian sunparnak caah cun tiin can a petu nan dihlak Pathian kan Pa le Bawipa Jesuh Khrih nih vel le daihnak in pe ko hna seh.

Lunglawmhnak tampi he,

Sui Tha Cin
Chungtuan
WACCC nu bu

Bible Cawnnak

Bible Study | Rev. Bawi cin

Bible Cawnnak

Rev. Bawi Cin

Sermon | Pastor Iang Nawn

Pastor Iang Nawn

Thawngthabia chimnak
Rev.-Bawi-Cin

Sermon | Rev. Bawi Cin

Rev. Bawi Cin

Thawngthabia chimnak