WACCC khrihfabu  cu Western Australia Chin Christian Fellowship tiah min bunh in 2001 September 16 ni ah rak thawk mi  a si.Kum 10 a rauh hnu January 26, 2011 General meeting biachahnak bantuk in Western Australia Chin Christian  Church tiah min thlen a si.Khrihfabu hi a hramthawk ahcun chungtel pawl umnak inn ah zarhkhat hnu zarhkhat i thial in pumhnak rak tuah a si na in Girrawheen Baptist Khrihfabu zawnruahnak in 2005 August thla in Girrawheen Baptist Biakinn a cung dot ah Biakinn pumhnak cu thial le hman a si.

WACCC khrihfabu cu a tanglei bu hna he hin pehtlaih in  riantuan ti nak a ngei mi khrihfabu a si.

1.Baptist Union of Western Australia(BCWA)

2.Chin Christian Association for Christian Communication(CACC)

3.Global Chin Christian Fellowship(GCCF-2012)

4.Chin Christian Council in Australia(CCCA-2014)

Caan le ni a hung rauhdeuh bantuk in WACCC khrihfa bu cu milurel zong karh chin lengmang a si.Khrihfabu milurel kan tamdeuh  bantuk in holh ruangah   siseh, zumhnak ruangah siseh an hal bantukin atang lei khrihfabu hna hi adang tein khrihfabu dirhnak nawl pek an si.

1.Nazareth Church

2.WA Matu Christian Church

3. Zotung Christian Church

4.Chin Emmanuel  Church

5.Perth Chin Baptist Church

WACCC khrihfabu cu Perth Chin mi dirh mi   ah a hmasa bik khrihfabu a si bantuk in Pathian nih thluachuah a pek i a dirhkamh caah Pathian kan thangthat.Atulio ah Khrihfabu milurel 784 kan  si. A inn in 174 kan si. Pathian nih WACCC cu 25 Suffolk Street, Caversham WA 6055 ah Biakinn a kan pek i 15 September 2018 thawk in kanmah Biakinn te ah pumh hram kan thawk.